Вырашальныя сустрэчы Фаланстэра. Планаванне развіцця 2016-2017
20 і 27 снежня адбудуцца вырашальныя сустрэчы Фаланстэра па планаванню дзейнасці на 2016-2017 гады. Запрашаюцца ўсе фармальныя і нефармальныя ўдзельнікі Фаланстэра і ахвотныя, тыя, хто прагне паспрабаваць стваральную сацыяльную тэхніку на практыцы.
Для ахвочых прыняць удалены ўдзел будзе арганізаваны аўдыё мост. Заяўкі пакідайце на пошту: falanster.by@gmail.com
Ніжэй коратка план кожнай сустрэчы.
Сустрэча 1
20 снежня сустрэча будзе больш прысвечана аналізу дзейнасці за 2015 год, а таксама фармальныя працэдуры Агульнага Сходу. Гэта мерапраемства будзе карысна для працы над памылкамі і вызначэння моцных бакоў. Пачынаем а 14:00 на базе Фаланстэра.
План
- Справаздача Праўлення (Рэвізора, Адміністратара, Казначэя, Старшыні) па знешняй дзейнасці за 2015 год. Рэалізаваныя ініцыятывы. Дасягненні і пралікі. Дыскусія - 60 хвілін.
- Рэфлексія развіцця каманды Фаланстэра за 2015 год. Слабыя і моцня бакі - 30 хвілін.
- Выбары Праўлення, афарленне дакументаў (фармальная частка) - 30 хвілін.
- Планаванне павесткі сустрэчы 27 снежня, перанос пратаколаў у вікі і электроннае сховішча - 15 хвілін
Сустрэча 2
27 снежня сустрэча будзе больш прысвечана планаванню развіцця дзейнасці арганізацыі і самой арганізацыі. Тут мы сфакусуемся на планаванні рэсурсаў, партнёрства, міжнароднай дзейнасці. На гэтай сустрэчы будуць закладзены асноўныя кірункі дзейнасці Фаланстэра на 2016 год і магчымыя гарызонты на 2017 год. Пачынаем а 17:00 на базе Фаланстэра.
Прыблізны план
- Дыскусія пра прынцыпы Фаланстэра і падыходы у працы каманды. - 30 хвілін
- Абмеркаванне місіі, задач і прыярытэтаў на 2016-2017 год. - 30 хвілін
- Унутранае развіццё каманды Фаланстэра (інфраструктура, адукацыя) на 2016 год - 30 хвілін
- Прапановы па праектах на 2016. Выдзяленне праярытэтаў згодна місіі. Планаванне часовай стужкі, рэсурсаў. - 60 хвілін
- Перанос інфармацыі у Вікі і адзначэнне 5 годдзя Фаланстэра. - 30 хвілін
Гэтыя сустрэчы будуць вымагаць вашай актыўнай і канструктыўнай пазіцыі. Усе дыскусіі будуць накіраваны на пошукі найлепшых для ўдзельнікаў Фаланстэра шляхоў рэалізацыі задум. Удзейнічайце!
Карысныя спасылкі: