15 верасня футбольны вірус захопіць шмат дваравых камандаў і іх заўзятараў і прывядзе на Турнір Нефармалаў-3 у Мінск.
На працягу лета мы запрашалі футбольныя лютвы з розных аматарскіх турніраў, ліг, чэмпіянатаў і гарадоў Беларусі для ўдзелу у дваравым турніры.
Наша мэта - зрабіць футбол даступным для ўсіх жадаючых, адыйсці ад фармальнасцяў і развіць аўтаномныя маладзёжныя рухі.
Нефармал - гэта неабавязкова той, што адпускае даўгія валасы ці каротка стрыжэцца, носіць берцы ці шмат завушніц. Нефармал - гэта і той, хто бачыць недасканаласць фармальных інстытутаў, такіх як школа, СДЮШАР, дзяржава, і спрабуе змяніць іх у лепшы бок. Нефармал - гэта творца. Да гэта імкнемся і мы!
Правілы Турніра простыя і даступныя, пляцоўкі пад адкрытым небам, а каманды звычайна мэтанакіраваныя і згуртаваныя. На Турнір заявілася больш за 50 каманд. Футбольныя супольнасці Віцебска, Магілёва, Баранавіч, Слуцка, Брэста, Гомеля, Бабруйска, Мінска ўжо рыхтуюцца прыняць удзел.
Падрабязней пра Турнір Нефармалаў-3 на сайце zabej.info
