Дапаможнік раварыста 2.0. Наступны крок
пан, 06/23/2014 - 15:00
У пятніцу 20 чэрвеня фаланстараўцы ў навуковай бібліятэцы БНТУ падвялі вынікі этапу “Дапаможнік раварыста 2.0” і праанансавалі далейшую дзейнасць у роварнай супольнасці.
Вынікам стварэння “Дапаможніка раварыста 2.0” стала:
-
каманда распрацоўшчыкаў і прапампоўка ў анлайн-інструментах каардынацыі, вікі-рэдагаванні;
- новая брашура на рускай и беларускай мовах;
- электронная віківерсія Дапаможніка, зробленая на прынцыпах адкрытасці, якую можна пачытаць, дапоўніць, палепшыць, узяць як аснову для свайго праекта;
- прэзентацыя ў 7 гарадах Беларусі.
Даведацца болей пра наш досвед працы з камандай можна з прэзентацыі.
Наступным крокам Фаланстара стане развіццё роварнай супольнасці праз стварэнне анлайн Інструмента ўдзелу - пляцоўкі для абмеркавання надзённых праблемаў і выпрацоўкі іх рашэнняў.
Хто гатовы далучыцца да працы па стварэнні і папулярызацыі Інструмента ўдзелу (пакуль для роварнай супольнасці), запаўняйце анкету – і шчыра вітаем на борце!
Вывучай! Мар! Мяняй!
P.S. Пасля сустрэчы ў бібліятэцы БНТУ актывісты Фаланстара паехалі вучыць моладзь ездзіць на ровары ў Школу кіравання ў межах конкурсу "Дзелавы ровар" і распаўсюдзілі там дапаможнікі і налепкі #menyajpravila.
