Лінуксоўкі ў Фаланстэры

Пасля летне-восеньскага перапынку пачынаем рэгулярныя сустрэчы ў Фаланстэры, якія прысвечаны вывучэнню Linux, вэб-тэхналогіяў і адкрытых супольнасцяў.

Увесну і на пачатку лета мы рабілі такія сустрэчы як факультатывы Drupal-клуба, зараз жа назапасілася мноства пытанняў і ёсць неабходнасць выдзеліць асобны дзень. Зрэшты, пытанні могуць быць не толькі па Linux.

Пакуль мы будзем сустракацца 2 разы на месяц: у першы і трэці аўторкі. Потым паглядзім.

Прынцыпы лінуксовак у Фаланстэры вельмі простыя:

• Перш, чым задаць пытанне, пашукайце ў інтэрнеце. Як правіла, рашэнне ўжо ёсць. Калі не атрымоўваецца ці "не знаходзіцца" - гэта пытанне для лінуксоўкі.
• Сустрэчы будуць накіраваны больш на практычныя веды. Акцэнт - менавіта на выпраўленні непаладак або засваенні новай тэхналогіі.
• Адкрытыя веды і кааперацыя - гэта аснова кожнай сустрэчы.

Тэмы першай сустрэчы:

1. Акно ў Linux. Наладжваем мэнеджэр ssh-ключэй для win (putty+pegeant).
2. Інфабяспека. Працуем з ключамі gpg. Дэсктопны і кансольны рэжымы.
3. Архіватар Tar. Кансоль: запакоўка, распакаванне, тэчкі, файлы.
4. Паскараем працу XAMPP на win-сістэмах.

Усё будзе праходзіць у рэжыме калектыўнага спазнання і абмена вопытам. Можа і без танцаў з бубнам. Хатя гатовыя да любога заварота падзей.

Адрас - традыцыйны.
Дата - 20 лістапада, пачатак а 19:00.

Запрашаем і лінуксоідаў!