19 красавіка, з 13.00 па 16.00, Фаланстэр (falanster.by) ладзіць майстар-клас па размалёўцы ровараў для праекта “Добры ровар” ў Гаражы 38 (Незалежнасці 44Б).
Праект безкаштоўнага пракату “Добры ровар” ужо назбіраў больш за 50 ровараў, наступны крок праекта - зрабіць гэтыя ровары прывабнымі для карыстальнікаў. Ідэя - размаляваць!
Удзельнікі майстар-класу
- Паназіраюць, як можна прыгожа і дэталёва размаляваць ровар
- Папрактыкуюцца ў размалёўцы на роварах безкаштоўнага пракату
- Зробяць добрую справу і раскрыюць свой творчы патэнцыял!
Адмысловец па размалёўцы - Святлана Ермаковіч, якая упрыгожыла ўжо 4 ровары - будзе дапамагаць у маляванні вашых задум і даваць парады.
З сабой пажадана ўзяць пэндзлікі (нумары 0,1,2, калі жадаеце маляваць маленькія дэталі, большага памеру - калі не дэталёвы малюнак), фарбы у балонах**, пластыкавыя кубачкі. Пажадана апрануцца ў адзенне, якое не шкада запэцкаць.
Па пытаннях пішыце на falanster.by@gmail.com, тэлефануйце +375298602312.
Спраўка:
*Фаланстэр - гэта маладзёжная арганізацыя, якая займаецца стварэннем, развіццём і падтрымкай тэматычных і мясцовых супольнасцяў праз выкарыстанне лічбавых тэхналогій і сучасных ведаў. Падрабязней глядзіце falanster.by
**Якія маркі фарбы?
Балоны для малявання, для графіці, напрыклад, “Trane”, якія можна набыць у адмысловых крамах. Ёсць у “Падземцы” (Незалежнасці 43)
