Вікіфікацыя Гародні

24-25 студзеня ў Гародні прайшоў першы рэгіянальны Wiki-Weekend. Арганізатар - Фаланстэр, пры падтрымцы  ГА "Цэнтр "Трэці Сектар" і Таварыства «Зялёная сетка».

Мэтай мерапрыемства было пазнаёміць удзельнікаў з Вікіпедыяй* і заахвоціць актыўных гарадзенцаў дававаць свае артыкулы. 

Сустрэчы Вікіфікацыі праходзілі ў суботу і нядзелю. Узялі ўдзел каля 12 чалавек. 

Усё ідзе па плане
На першай сустрэчы: 

• распавялі пра Вікіпедыю, яе мэты, задачы, 
• правялі мазгавы штурм артыкулаў, якія было б варта напісаць пра Гародню і гарадзенцаў, па меркаванні ўдзельнікаў,
• прадэманстравалі, як дадаць свой, ужо гатовы чарнавы артыкул, дадаць фотаздымкі, рэдагаваць вікі-разметку,
• кожны з удзельнікаў зарэгістраваўся, і тыя, у каго былі накіданы чарнавікі, пачалі рэдагаваць ці удасканальваць ужо існыя артыкулы.

Удзельнікі рабілі ўнёсак не толькі на працягу гадзін сустрэчы, але і пасля, таксама ўліліся ў камунікацыю з вікі-супольнасцю.

На другі дзень, у нядзелю, дапрацавалі распачатыя артыкулы і ацанілі некаторыя з іх па крытэрах “Добрага артукула”.

Цікава падрабязней?!
За два дні напісалі і ўдасканалілі наступныя артыкулы:

• У абарону беларускіх балот
• Зялёная сетка
• Факультэт радыёфізікі і камп’ютарных тэхналогій БДУ
• ГА Цэнтр “Трэці сектар”
• Школа маладога журналіста
• Фестывалі моладзевай журналістыкі “Твой стыль”
• Аляксандр Стэфанаў Шаламанаў
• Орхускі цэнтр
• Грэка-каталіцкая парафія Маці Божай Фатымскай (Горадня)
• Беларускі Зялёны Партал
• Зялёны дазор
• Адданае сэрца
• ВелаГродна
• Веласіпедны-марафон "Суседзі"

Дадалі ў беларускі раздзел афіцыйнага правапісу шаблон Грамадскія арганізацыі.

Стварылі спіс артыкулаў пра Беларусь для конкурса ВікіВясна** Цэнтральнай і Ўсходняй Еўропы.

Гарадзенскі гісторык Андрэй Чарнякевіч падзяліўся высновамі цікавага аналізу артыкула пра Гародню ў розных моўных раздзелах Вікіпедыі (беларускім, польскім, літоўскім і расейскім).

Вікіфікацыя to be continued...

*Вікіпедыя – гэта найвялікшая ў свеце вольная энцыклапедыя. Кожны чалавек можа дадаваць артыкулы або ўносіць праўкі ва ўжо існыя. Існуюць раздзелы Вікіпедыі на розных мовах. Хаця беларусы найбольш часта чытаюць рускі раздзел, у нас існуе яшчэ цэлых два беларускіх раздзелы – афіцыйным правапісам і клясычным (тарашкевіцай).

**Конкурс ВікіВясна - конкурс Вікіпедый Цэнтральнай і Ўсходняй Еуропы. Будзе праходзіць у 3 месяцы вясны 2015. Асноўная ідэя - дадаваць артыкулы ў Вікіпедыі пра кожную краіну рэгіёна.